Det blir berre viktigare og viktigare for bedrifter å profilere seg og produkta sine på ein god måte. I tider prega av konkurranse er det spesielt viktig å gjere produkta kjende, og formidle kvifor akkurat dette produktet er betre enn dei andre. Me i Noreg er unike når det kjem til å drikke mjølk. Inga anna land i verda drikk lika mykje mjølk som oss. I dei fleste land stoppar barn å drikke mjølk etter at dei er ferdige med å amma, men me fortsett livet ut. Tine, utgjevaren bak annonsen, er òg verdsleiande når det kjem til reine produkt. I alle andre land blir mjølk ultrapasteurisert. Det vil seie at ho blir varma opp til ein høgare temperatur enn vanleg pasteurisering.

Konkurrentar som Q-mjølk tek større deler av marknaden, og Tine må difor satse sterkare enn nokon gong på marknadsføring. Annonsen frå Magasinet i Dagbladet, 28. januar 2006, fokuserar på å informere, og på den måten påverke Noregs befolkning til å bruke fleire meieriprodukt frå Tine.

Sjølve oppsette er tradisjonelt, med hovudblikkfanget øvst. Bilete og illustrasjonar er viktige i moderne reklame, difor blir mykje plass, gjerne over halve annonsen, satt av til dette. I denne annonsen får me ikkje servert ein heilskapleg i omgjevnad rundt meieriprodukta, snarare positive assosiasjonar rundt det å drikke mjølk og andre meieriprodukt. Smilande og glade idrettsutøvarar i spenstige og livlege situasjonar gjev oss eit bra inntrykk av produkta dei presenterer. Det er heller ikkje fyrst og fremst sjølve produkta me ser, dei legg seg meir i umedvitet. Det me hugsar er personane me i desse OL-tider ser så mykje av på fjernsyn. Den øvste halvdelen av annonsen går med til dette samansette biletet. Annonsen fortsett å følje sitt tradisjonelle preg; nedst i høgre hjørne finn me logoen til ugjevaren – Tine. Den strategiske plasseringa av logoen her, kan ha sin årsak i den vestlege lesemåten; frå venstre topp og nedover mot høgre. Når ein blar raskt gjennom ei avis, kan ein leggje merke til at auga arbeidar seg i same retninga nedover sida. Det fører til at auget forlèt annonsen rett etter å ha sett logoen. Menneskjas natur er å hugse byrjinga og slutten av eit sanseinntrykk, difor er det vanleg at også førestillingar opnar med noko bra, i annonsen er det blikkfanget, og endar likens. Her er det logoen me legg merke til og hugsar, saman med blikkfanget øvst. Produktlogoen nedst er òg utvida til å omfatte ymse produkt tilbode av Tine. Målet er altså ikkje berre at me skal hugse logoen til Tine åleine, men òg korleis nokre av produkta ser ut, for enklare å kjenne dei at i butikken, og på den måten ha lett for å plukke dei ned frå hyllene.

Annonsen fokuserar hovudsakleg på dei som har eit nært forhold til sportslege aktivitetar. Med nært forhold meinar eg ikkje nødvendigvis dei mest sportsgalne, snarare litt meir passive folk som opplev at enkle ting gjer dei eit stort overskot i form av sjølvtillit. Altså unge til litt eldre kvinner og menn med ei høg utdanning. Hadde me i Noreg hatt eit tydeleg klasseskilje, ville eg ikkje sagt at arbeidarklassen stod i hovudfokus.

Teksten i annonsen er ikkje like spenstig som blikkfanget og dei andre illustrasjonane/bileta. Overskrifta spel òg med i prosessen for å få lesaren interessert. Annonsar har utvikla seg opp gjennom tidene, frå å fortelje om praktiske sider ved produktet, til å gå meir over på å arbeide med umedvita. Ein gamal reklame hadde ikkje opna med tittelen «Viktig…», den hadde heller gått direkte på gode og praktiske eigenskapar ved produktet. Ein moderne annonse som denne gjev heller lesaren von om å få vite meir. Tri punktum kan ofte signalisere usikkerheit. Ein artig detalj, som ein vanleg lesar kanskje ikkje legg bevisst merke til, men det er unormalt, og skapar «spenning». Den direkte funksjonen her er å dele opp tittelen slik at den blir assosiert med dei to påføljande undertitlane; «…» - noko manglar.

I tredje undertittel støytar me på logoen til Tine i staden for namnet skrive med reine bokstavar. Heile tanken bak ei annonse er gjerne å gi lesaren ei annleis oppleving slik at ho blir hugsa. Her kombinerast det med å påverke lesaren til å memorere logoen, for å få gode assosiasjonar og hug til å velje dette merket i dagleglivet. For å gjere annonsen spesiell, slik at lesaren hugsar han, legg Tine inn opplysningar om at dei har tips og «spennende konkurranser» på nettsidene, samt eit gratis, grønt nummer ein kan ringe for å få tilsend brosjyrar eller snakke med «TINE Forbrukersenter». Internettadressa blir òg gjenteke under logoen nedst til høgre, for å auke sjansen for an han blir oppdaga.

Innhaldet i teksten ber preg av gjentakingar og autoritetar. For å gripe alvoret opnar teksten med eit direkte sitert utsegn frå ein professor, som òg har tunge verv i idretten. Når dette blir oppljost i teksten, er det eine og åleine for å framheve tyngda i utsegna hennar. Me stolar meir på innhaldet når me veit at folk med spesialkompetanse kjem me innspel, og antakeleg har vore med på resten av utforminga òg. I praksis visar det seg ofte at det ikkje er tilfelle. Kanskje burde ein tenkje meir kritisk over det som står av faglege utsegn i slike tekstar. Det blir òg påpekt at heimlege kjensle er viktige for prestasjonar. Eit samarbeid mellom Tine og Olympiatoppen gagnar båe partar; Tine får god PR, medan Olympiatoppen får midlar og antakeleg billege produkt. Det er nok ei psykisk eigenskap at prestasjonar ser ut til å bli betre når ein brukar kjende produkt.

For å verke overbevisande brukar annonsen nokre fagord medan han beskriv dei gode eigenskapane til mjølk, «en av våre mest komplette matvarer», viktige næringsstoff som er nødvendige for ei god helse. Ved å spesifisere produktnamnet før dei listar opp det gode innhaldet, gjev ein ei kjensle av at det er unikt for produkta til Tine å innehalde stoff som kalsium og D-vitamin.

Kjendisar som Kari Traa, Tor Arne Hetland og Marit Bjørgen styrkar nærleik og truverd. Å bli inkludert i verda til kjendisane skapar ei kjensle av eksklusivitet, samstundes med at alle blir inkluderte. Verkinga blir spesielt sterk no i desse tider kor me treff kjendisane på TV. Det er viktig at ei annonse gjer eit godt og nært utrykk, og det meistrar annonseskaparen på ein god måte med «Viktig…».

Tine er hovudutgjevar, difor får dei den beste plasseringa av logoen, men å setje logoen til olympiatoppen i det andre hjørnet nedst på arket gir noko av den same effekten, sett bort frå at det her er snakk om ein autoritet. Logoen kan på ein måte tolkast som ein signatur, ei godkjenning frå olympiatoppen.

Nærveret av olympiatoppen styrkar òg kjensla av truverde. Lesarane vil kjenne seg meir sportslege når dei følar at dei gjer det same som toppidrettsutøvarar. Trenden no til dags hellar mot at sunnheitsprinsippet blir meir og meir materialistisk. Ei dyr jakke og litt halvhjerta springing i nabolaget gjer kanskje ei kjensle av sportsleg aktivitet på høgd med utøvarar innan toppidretten. Både dei som er sportsleg aktive, og dei som ynskjar å vere det blir inkluderte i annonsen, gjennom eit samspel i undertitlane.

Det er viktig for Tine at akkurat deira produkt blir hugsa, difor bler namnet gjenteke gjennom heile teksten. Eg prøve å setje strek under alle gongane Tine blei nemnt, og det visar seg å vere ein del. Ein artig detalj, som nemnt tidlegare, er bruken av logoen i staden for namnet i ei av overskriftene. Me støytar heile tida på produkteksemplar, men då nesten alltid saman med «Tine», «TINE Yoghurt», «TineMelk» og så bortetter.

Valet av yoghurtpakken forklarast med den dominerande teksten, «Vinterens favoritt». Det er vanleg å bruke ord med konnotasjonar som peikar mot nyheit for å fange lesarens interesse. Yoghurtpakken i seg sjølve kan karakteriserast som ein eigen reklame. Når me går i butikken, skal den lyse mot oss for å gjere valet lettare. Ein kan òg gripe seg merke i valet at samansetning i pakken – hovudsakleg skogsbær. Eit aktivt og sportsleg liv assosierast ofte med villmarksliv. Mjølkekartongen, med sine store tal, gjer oss òg nysgjerrige. Her lysar Tine ut ei konkurranse. Det er mest praktisk for forbrukaren å ta med seg produktet heim og studere det nærare for å ta del i oppgåva. Likevel må ikkje lista leggjast for høgt slik at det bler for vanskeleg å sette seg inn i. Å få lesaren aktiv er eit veldig godt verkemiddel for å gjere ei annonse god. Me ynskjer altså å følje AIDA prinsippet – skape interesse, fange interessa, von og til slutt handling. Annonsen gjer seg personlig ved å snakke direkte til lesaren. Han appellerer til «deg som er aktiv», og kjem med ein klar appell på slutten av andre avsnitt, «Kort sagt, unn deg en bra start på en aktiv dag». På denne måten lukkast Tine i skape nærheit til produkta side. Dei kjem heller ikkje med ein direkte propaganda for det dei sel, men ein får likevel lyst til å bruke deira produkt. Det er vanskeligare å skode gjennom denne forma for reklame enn om ein direkte «pålegg» lesaren noko.

Årsaka til at NetCom og Cresco har snike seg diskré inn mot slutten av annonsen er antakeleg som følje av sponsoravtalane til blant andre Kari Traa og Marit Bjørgen. Som me ser, er det ikkje lagt stor vekt på desse to linjene, enkelt og greitt fordi annonsen ikkje handlar om dei. For Tine sin del er det berre ei nødvendig vonde.

«Viktig…» er etter mi meining eit bra stykke reklame som fengslar målgruppa utover akkurat den augneblinken du ser på han. Det er viktig for Tine, ikkje berre at det blir brukt fleire meieriprodukt, men òg at forbrukaren vel produkt frå Tine. Annonsen er ein del av ei større kampanje, kor Tine prøvar å påverke lesaren endå meir ved å følgje opp annonsen med tekst på sjølve produktinnpakningen i samband med dei Olympiske leikane. Eg trur dette til saman gjer ei vellukka kampanje, som treff målgruppa si på ein positiv måte for Tine.